स्कायवॉकवर फेरीवाल्यांचा कब्जा

स्कायवॉकवर फेरीवाल्यांचा कब्जा
कल्याण, ता. १५ (बातमीदार) : डोंबिवलीतील स्कायवॉकवर सध्या फेरीवाले बस्ताने मांडत असल्याचे चित्र वारंवार पाहायला मिळत आहे. यासंदर्भात मनसेच्या पदाधिकाऱ्याने समाजमाध्यमांवर व्हिडिओ व्हायरल केला आहे. तसेच पालिका व रेल्वे प्रशासनावर नाराजी व्यक्त केली आहे. रेल्वेस्थानक परिसरात फेरीवाल्यांना व्यवसाय करण्यासाठी मज्जाव असतानाही वारंवार फेरीवाले प्रशासनाची नजर चुकवत स्थानक परिसर तसेच स्कायवॉकवर आपले ठेले मांडतात. त्यामुळे ऐन गर्दीच्या वेळेस प्रवाशांना चालण्यासाठी जागा अपुरी पडते. प्रशासनाकडून वारंवार कारवाई होऊनदेखील पुन्हा काही दिवसांनी हे फेरीवाले स्कायवॉक ताब्यात घेतात, तर याच फेरीवाल्यांकडून वस्तू खरेदी करून त्यांच्या धाडसाला खतपाणी देण्याचे काम काही बेजबाबदार नागरिकही करतात.