प्रसाद पाटील यांचे निधन

कांदिवली (बातमीदार)ः कांदिवली गावठाण येथील माजी शाखाप्रमुख, नवनिर्वाचित उपविभाग समन्वयक प्रसाद पाटील (५१) यांचे मंगळवारी (ता. १५) हृदयविकाराच्या झटक्याने निधन झाले. प्रसाद पाटील यांची कांदिवली वृत्तपत्रविक्रेता संघ आणि श्री साई सेवा मंडळाचे धडाडीचे कार्यकर्ते म्हणून ओळख होती. मनमिळावू, रात्री-अपरात्री मदतीला धावणारे व्यक्तिमत्त्व होते. कांदिवली डहाणूकर वाडी स्मशानभूमीत त्यांच्यावर अंत्यसंस्कार करण्यात आले. या वेळी विभागप्रमुख संतोष राणे, विधानसभाप्रमुख राजू खान, उपविभागप्रमुख आशीष पाटील, श्याम मोरे, विभागतील नागरिक, गावकरी, शिवसैनिक मोठ्या संख्येने उपस्थित होते.