कुणबी समाजोन्नती मंडळातर्फे विद्यार्थ्यांचा गुणगौरव

मुरबाड (बातमीदार) : तालुक्यातील कुणबी समाजातील गुणवंत विद्यार्थी आणि विशेष प्रावीण्य मिळवलेल्या मान्यवरांचा सत्कार सोहळा रविवारी (ता. २७) कुणबी भवन येथे सकाळी १० वाजता होणार आहे. पुरस्कार मिळवू इच्छिणाऱ्या विद्यार्थ्यांनी आपली नावे २० जुलैपर्यंत मंडळाकडे सादर करण्याचे आवाहन करण्यात आले आहे.
शैक्षणिक वर्ष २०२४-२५ मध्ये दहावी परीक्षेत ८० टक्क्यांवर, बारावी परीक्षेत ७५ टक्क्यांवर, सर्व प्रकारच्या पदवी व पदव्युत्तर परीक्षेत प्रथम श्रेणी उत्तीर्ण, भारतीय सैन्य दलात निवड झालेले जवान, तसेच एमपीएससी, यूपीएससी, सीए, पीएचडी परीक्षेत उत्तीर्ण झालेल्या कुणबी समाज बंधू-भगिनींचा मान्यवरांच्या हस्ते सत्कार करण्यात येणार आहे. पात्र विद्यार्थ्यांनी नाव, गुणपत्रिका अथवा प्रमाणपत्राची झेरॉक्स प्रत २० जुलैपर्यंत मंडळ कार्यकारिणी प्रतिनिधी किंवा मंडळ कार्यालय कुणबी भवन येथे सकाळी १० ते सायंकाळी ५ दरम्यान जमा करावीत, असे आवाहन अध्यक्ष गणपत वीशे, उपाध्यक्ष मधुकर मोहपे व ज्योती गोडांबे, खजिनदार पंढरीनाथ आलम, सचिव अरविंद विशे, सहसचिव धनाजी खापरे, बळीराम दवणे, संभाजी गोडांबे यांनी केले आहे.