मॉर्निंग वॉक करताना ट्रकची धडक

नालासोपारा, ता. १६ (बातमीदार) : मुंबई-अहमदाबाद महामार्गावर विरारच्या हद्दीत भालोली या परिसरात मॉर्निंग वॉक करताना भरधाव ट्रकने एकाला धडक दिल्याची घटना रविवारी (ता. १३) सकाळी पावणेसात वाजता घडली. या घटनेतील गंभीर जखमीवर भाईंदरच्या रुग्णालयात उपचार सुरू आहेत. ही अपघाताची घटना सीसीटीव्ही कॅमेऱ्यात कैद झाली आहे. याबाबत विरारच्या मांडवी पोलिस ठाण्यात ट्रकचालकाविरोधात गुन्हा दाखल झाला आहे.

रवींद्र पाटील (वय ५४) असे जखमीचे नाव असून, ते भालोली गावचे रहिवासी आहेत. रविवारी सकाळी महामार्गावरील राष्ट्र सेवा समिती परिसरात मॉर्निंग वॉक करित असताना पाठीमागून भरधाव वेगातील ट्रकने त्यांना जोरात धडक देऊन फरार झाला. स्थानिक रहिवाशांनी तत्काळ जखमीला रुग्णालयात हलवले.