पनवेल नागरी प्रकल्प अंतर्गत अंगणवाडयांमध्ये वृक्षारोपण

पनवेल नागरी प्रकल्पांतर्गत अंगणवाड्यांमध्ये वृक्षारोपण

नवीन पनवेल, ता. १५ (बातमीदार) : बालविकास प्रकल्प अधिकारी पनवेल नागरी प्रकल्पांतर्गत विविध अंगणवाड्यांमध्ये एक पेड माँ के नाम या उपक्रमांतर्गत विविध प्रकारची झाडे लावण्यात आली. काही अंगणवाड्यांमध्ये जागेचा अभाव असल्याने तेथे कुंड्यांमध्ये वृक्षारोपण करण्यात आले. काळुंद्रे अंगणवाडीत बालविकास प्रकल्प अधिकारी सुहिता ओव्हळ यांच्या हस्ते वृक्षारोपण करून उपक्रमाची सुरुवात झाली. या वेळी मुख्य सेविका सुप्रिया लहाने, आदिती मुदराळे, सुशीला चोगले, सुनीता मोकल, अंगणवाडी सेविका चिखलीकर, निशा नेवसे, मदतनीस संजना पाटील, प्रभावती चिखलीकर यांच्यासह पालक व विद्यार्थी उपस्थित होते.