डेब्रिज टाकणाऱ्या डंपरवर कारवाई

नवी मुंबई (वार्ताहर) : नवीन पनवेल सेक्टर १७ मधील सिडकोच्या मोकळ्या जागेवर अनधिकृतपणे डेब्रिज टाकण्यासाठी आलेल्‍या डम्परवर सिडकोच्या पथकाने सोमवारी (ता. १४) दुपारी केली. कामोठे पोलिसांनी डेब्रिजने भरलेला डम्पर जप्त करून चालकाला ताब्यात घेतले.
नवीन पनवेल सेक्टर १७ भागात भूखंडावर रेबिट, माती व दगड असे डेब्रिज टाकण्यासाठी डम्पर आल्याची माहिती सिडकोच्या पथकाला मिळाली होती. त्यानुसार दुपारी साडेबाराच्या सुमारास पथकाने पाहणी केली असता, डम्परचालक डेब्रिज टाकण्याच्या प्रयत्नात असल्याचे आढळले. त्यामुळे कामोठे पोलिसांच्या मदतीने डेब्रिजने भरलेल्या डम्पर व त्यावरील चालक गुड्डू कुमार बडनसिंग (२५) याला ताब्यात घेतले. तसेच, याप्रकरणी कामोठे पोलिस ठाण्यात गुन्हा दाखल करण्यात आला आहे. सिडको परिक्षेत्रात अनधिकृत डेब्रिज टाकताना कोणी आढळल्यास सिडकोच्या वेबसाईटवर तसेच संबंधित पोलिस ठाण्यात कळवावे, असे आवाहन सिडकोकडून करण्यात आले आहे.