कबुतरांना खाणे देऊ नका''पालिकेचे आवाहन

कबुतरांना खाणे देऊ नका''पालिकेचे आवाहन

Published on

कबुतरांना खाणे देऊ नका
पालिकेचे नागरिकांना आवाहन

तुर्भे, ता. १६ (बातमीदार) : शहरात वाढलेल्या कबुतरांच्या संख्येमुळे नागरिकांच्या आरोग्यास धोका निर्माण होत आहे. या बाबीची गंभीर दखल पालिकेने घेतली आहे. शहरात कबुतरांना खाणे न देण्याबाबत नवी मुंबई महापालिकेच्या वतीने जनजागृती केली जात आहे. यासाठी शहरात ठिकठिकाणी जनजागृती करणारे फलक लावण्यात आले असून, कबुतरांना खायला न देण्याबाबत सूचना करण्यात येत आहे.
नवी मुंबईत अनेक ठिकाणी कबुतरांना खायला देण्याचे प्रकार वाढले आहेत. नेरूळ पामबीच रस्त्याच्या कडेलाही अनेक लोक मोठ्या प्रमाणात कबुतरांना खायला देत असतात. नेरूळ सेक्टर १९मध्येही पालिकेने सुशोभित केलेल्या जागेवर अनेक पक्षीप्रेमी कबुतरांना खायला देण्याचे प्रकार करीत आहेत. यामुळे कबुतरांची संख्या वाढत असून सुशोभित केलेल्या जागाही अस्वच्छ होत आहेत. कबुतरांच्या विष्ठेमधून निघणाऱ्या जंतूंमधून आजार होत असल्याचे निष्पन्न झाले आहे. हा मुद्दा विधानसभेतही निघाला असून कबुतरखाने, कबुतरांना अन्न देण्याचे प्रकार थांबवण्याचे आवाहन नागरिकांना केले आहे. त्याची दखल घेत नवी मुंबईत याबाबत जनजागृती केली जात आहे. नागरिकांकडून शहरात कबुतरांना खायला घालण्याचे प्रकार वाढत आहेत. कबुतरांच्या विष्ठेतून बाहेर पडणाऱ्या जंतूंमधून फुप्फुसाचे आजार होण्याची दाट शक्यता आहे. त्यामुळे सार्वजनिक ठिकाणी कबुतरांना अन्न देऊ नये. त्यांना त्यांच्या नैसर्गिक आयुष्याचा आनंद घेऊ द्यावा, असे आवाहन नवी मुंबई महापालिकेच्या वतीने केले जात आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com