कारच्या अपघातात चालकासह चौघे जखमी

कारच्या अपघातात चालकासह चौघे जखमी

अंबरनाथ, ता. १६ (वार्ताहर) ः भरधाव आलेली कार दुभाजकाला धडकल्याने चालकासह चार जण गंभीररीत्या जखमी झाल्याची घटना अंबरनाथमधील कल्याण-बदलापूर मार्गावर आयटीआय कॉलेजशेजारी सकाळच्या सुमारास घडली. बदलापूरहून उल्हासनगरच्या दिशेने जात असताना कारचालकाला अंदाज न आल्याने कार दुभाजकाला धडकून तीन ते चार वेळा पलटी झाल्याचे प्रत्यक्षदर्शींनी सांगितले. यामध्ये कारचा चक्काचूर झाला. जखमींना उपचारासाठी रुग्णालयात दाखल करण्यात आले आहे.