गुंतवणुकीच्या नावाखाली पाच कोटींची फसवणूक

गुंतवणुकीच्या नावाखाली पाच कोटींची फसवणूक

Published on

गुंतवणुकीच्या नावाखाली पाच कोटींची फसवणूक
डोंबिवलीतील दोघांना लुबाडले

सकाळ वृत्तसेवा
डोंबिवली, ता. १६ ः डोंबिवली परिसरातील ज्येष्ठ नागरिकांना शेअर बाजारात अधिक नफा मिळवून देण्याचे प्रलोभन दाखवून कोट्यवधींची फसवणूक केल्याची घटना घडली आहे. पश्चिमेला राहणाऱ्या दोन सेवानिवृत्त ज्येष्ठ नागरिकांनी चार कोटी ८६ लाख ९२ हजार रुपयांची फसवणूक झाल्याची तक्रार विष्णूनगर पोलिस ठाण्यात दाखल केली आहे.
विष्णूनगर परिसरात राहणारे चंद्रकांत दत्ताराम सरवटे (वय ६३) यांची एप्रिल ते जून २०२५ दरम्यान तब्बल दोन कोटी ८५ लाख रुपयांच्या फसवणुकीची तक्रार केली आहे. दुसऱ्या घटनेत, आनंदनगर भागात राहणारे बिस्वजित अनिल बिस्वास (वय ६३) यांचीदेखील अशाच प्रकारे फसवणूक झाली आहे. त्यांची दोन कोटी एक लाख ९२ हजार रुपयांची फसवणूक करण्यात आली आहे. एप्रिल ते मे २०२५ दरम्यान शेअर गुंतवणुकीत अधिकचा नफा मिळेल, असे सांगत त्यांची ऑनलाइन फसवणूक करण्यात आली. या दोन्ही प्रकरणांचा तपास विष्णूनगर पोलिस ठाण्याचे अधिकारी करीत आहेत. दरम्यान, ज्येष्ठ नागरिकांना फसवण्याचे प्रमाण वाढत असल्याने नागरिकांनी सावध राहावे व अनोळखी कॉल्सवर विश्वास ठेवून गुंतवणूक करू नये, असे आवाहन पोलिसांनी केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com