विनयभंग प्रकरणात जामीन नाकारला

सकाळ वृत्तसेवा
मुंबई, ता. १७ ः मंदिराच्या आवारात एका अल्पवयीन मुलीवरील अत्याचार प्रकरणात पुजाऱ्याला अटक झाली होती. या प्रकरणात सीसीटीव्ही कॅमेऱ्यात घटनेचे चित्रण आणि अन्य पुराव्यांतून याचिकाकर्त्यावरील आरोपांत प्रथमदर्शनी तथ्य असल्याचे निरीक्षण नोंदवताना उच्च न्यायालयाने जामीन देण्यास नकार दिला आहे.
पोलिसांच्या आरोपांनुसार, २६ ऑक्टोबर २०२० रोजी सायंकाळी ५ ते साडेपाच याचिकाकर्त्याने  पीडित मुलाला ४० रुपयांचे प्रलोभन दाखवून लैंगिक अत्याचार केला होता. याचिकाकर्त्याचे कृत्य मंदिरातील सीसीटीव्हीत कैद झाले होते. तक्रार दाखल झाल्यावर भिवंडी शहर पोलिसांनी आरोपीला अटक केली. या प्रकरणात ६ डिसेंबर २०२० मध्ये भारतीय दंडसंहिता आणि बालकावरील लैंगिक अत्याचार प्रतिबंधक कायद्यांतर्गत (पोक्सो) आरोपपत्र दाखल केले होते.
-----------------------------------
न्यायालयाने नोंदवलेले निरीक्षण
याचिकाकर्ता ऑक्टोबर २०२० पासून कोठडीत आहे, परंतु याचिकाकर्त्यावरील गंभीर आरोप असून जामीन मंजूर केल्यास त्याच्याकडून पुरावे नष्ट केले जाण्याची किंवा साक्षीदारांवर दबाव टाकण्याची शक्यता न्या. अमित बोरकर यांच्या एकलपीठाने नोंदवले. तसेच खटला जलद गतीने पूर्ण करण्याचे आणि सहा महिन्यांत साक्षीदारांची तपासणी पूर्ण करण्याचे आदेश दिले.