कल्याण अवती भवती

दुबईतील मराठी सामाजिक संस्थेचा वर्धापनदिन उत्साहात
कल्याण, ता. १७ (वार्ताहर) : दुबई येथील एसकेजी फाउंडेशन या मराठी सामाजिक संघटनेच्या सेवेला पाच वर्षे पूर्ण झाली आहेत. त्यानिमित्त दुबई येथे विशेष कार्यक्रम आयोजित केला होता. नोकरीच्या शोधात आलेल्या मराठी बांधवांसाठी केलेले काम, तसेच घरकाम करणाऱ्या महिला ते गरीब, अशिक्षितांपर्यंत एसकेजी फाउंडेशनचे कार्य उल्लेखनीय आहे. या संस्थेने मागील पाच वर्षांत हजारो लोकांच्या आयुष्यात सकारात्मक बदल घडवला आहे. दुबईतील या मराठी मंडळींना एसकेजी फाउंडेशन एक विश्वासार्ह आधार बनले आहे. एसकेजी फाउंडेशन युएईमधील होतकरू महिलांच्या न्याय हक्कासाठी उभारली आहे. या कार्यक्रमाचे आयोजन शिवाजी नरुणे, साक्षी मोरे, सिद्धार्थ कांबळे, संतोष भस्मे, किशोर मुंढे, मिलिंद मानके यांच्यासह कार्यकारी मंडळी पुष्पा घुडेकर, अंबिका, जाफरीन, लीझा, प्रमिला पवार, रिता, शालिनी, मंगेश, सचिन कदम, प्रकाश पवार यांनी केले. या कार्यक्रमाला मोहम्मद अली शारजा गव्हर्नमेंट, मेजर आदिल सलाह, दुबई गव्हर्नमेंट, राहुल तुळपुळे, सोमनाथ पाटील, अनिता महागडे, चंद्रशेखर जाधव, संदीप कड, सचिन कदम, अभिजित देशमुख, डॉ. अनिल बनकर, सुलोचना मुंगे, सुनील जवाहर, सचिन जोशी, विठोबा अहिरे, सुशांत चिल्लाळ या सर्व दुबईतील मान्यवरांनी उपस्थिती लावली. कार्यक्रमाचे सूत्रसंचालन साक्षी मोरे, उषा कदम व संतोष भस्मे, प्रशांत बेले यांनी केले.