बंदी असलेल्या प्लॅस्टिकचा बेधडक धंदा
उल्हासनगर, ता. १७ (वार्ताहर) : उल्हासनगरातील आनंद प्लास्टिक हे दुकान आणि त्यांचे उत्पादन केंद्रावर अनेक वेळा कारवाई झाली असतानाही, त्यांच्याकडून पर्यावरण नियमांचे उल्लंघन होत असल्याचे उघड झाले आहे. त्यांच्याकडून सर्रास बंदी असलेल्या प्लॅस्टिकचा धंदा केला जात यासंदर्भात स्वाभिमान फाउंडेशनच्या तक्रारीनंतर महाराष्ट्र प्रदूषण नियंत्रण मंडळ आणि उल्हासनगर पोलिसांनी संयुक्तपणे या दुकानावर छापा टाकला. कारवाईदरम्यान दुकानात हजारो किलो प्रतिबंधित प्लॅस्टिक साठा सापडला.
एकीकडे राज्य सरकारकडून प्लॅस्टिकबंदीची जोरदार मोहीम राबवली जात आहे. तर दुसरीकडे उल्हासनगरात प्रतिबंधित प्लॅस्टिकचा व्यापार उघडपणे सुरू असल्याचे धक्कादायक वास्तव समोर आले आहे. महाराष्ट्र प्रदूषण नियंत्रण मंडळ आणि उल्हासनगर पोलिसांनी आनंद प्लॅस्टिक या दुकानावर छापा टाकताच तेथील कर्मचारी पळ काढू लागले. काहींना थेट पाठलाग करून पकडण्यात आले. या प्रकारामुळे उल्हासनगरात प्रशासन आणि नेत्यांच्या संगनमताने कायद्याला झुकवण्यात येत असल्याचा आरोप नागरिकांकडून केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.