बदलापुरात नेत्रतपासणी शिबिरात शेकडो नागरिकांची उपस्थिती

बदलापूर, ता. १७ (बातमीदार) : रत्नागिरी, सिंधुदुर्ग रहिवासी मंडळ बदलापूर या सामाजिक संस्थेच्या माध्यमातून ६ ते १५ जुलैपर्यंत विनामूल्य नेत्र तपासणी शिबिर घेण्यात आले होते. मंडळाच्या पुढाकाराने इन्फिगो आय केअर या बदलापूर पश्चिम येथील हॉस्पिटलच्या सहकार्यातून झालेल्या शिबिराला शेकडो नागरिकांनी उत्स्फू‍र्त प्रतिसाद दिला. ज्या नागरिकांना चष्मा लागला आहे. मोतीबिंदू किंवा डोळ्यांच्या अन्य समस्या आढळल्या, अशा नागरिकांना तज्ज्ञ डॉक्टरांनी उपचारासाठी मार्गदर्शन केले. याप्रसंगी रत्नागिरी-सिंधुदुर्ग रहिवासी मंडळाच्या विविध सामाजिक उपक्रमांची माहिती कार्याध्यक्ष महेश सावंत यांनी दिली. मंडळाच्या अध्यक्षा संगीता चेंदवणकर यांच्या पुढाकारातून मंडळाद्वारे या शिबिर घेतल्याचे महेश सावंत यांनी सांगितले. याप्रसंगी उपाध्यक्ष गिरीश राणे, शिबिराचे संयोजक व इन्फिगोचे कर्मचारी हर्षद परब, मंडळाचे माजी अध्यक्ष विजय सावंत, संस्थेच्या सचिव अनिता सावंत, खजिनदार श्रावणी पवार, श्रद्धा मेस्त्री, अर्चना राणे, गुरुनाथ तिरपणकर, अरविंद सावंत, चंद्रकांत पाटील, मंगेश कदम, विजय परब, एकनाथ राणे, आनंद तेंडुलकर, गजानन राणे उपस्थित होते.