महिला स्वावलंबनासाठी आर्थिक सहाय्य देण्याची मागणी

महिला स्वावलंबनासाठी आर्थिक सहाय्य देण्याची मागणी
नेरूळ, ता. १७ (बातमीदार) ः नवी मुंबई महानगरपालिका हद्दीतील आर्थिकदृष्ट्या दुर्बल महिलांना आर्थिक सहाय्य देण्याची मागणी शिंदे सेनेच्या बेलापूर विधानसभा महिला जिल्हा संघटक सरोज पाटील यांनी केली आहे. पाटील यांनी आयुक्त डॉ. कैलास शिंदे यांच्याकडे निवेदनाच्या माध्यमातून केली आहे.
नवी मुंबई महानगरपालिका क्षेत्रात किमान पाच वर्षे वास्तव्य असणाऱ्या आणि पतीचा आकस्मिक मृत्यू झालेल्या महिलांसाठी वयाची अट शिथिल करण्याची मागणी त्यांनी केली आहे. आर्थिकदृष्ट्या दुर्बल घटकातील दुर्धर आजारांनी ग्रस्त महिलांसाठी उदरनिर्वाहासाठी देण्यात येणारे अर्थसहाय्य एक लाख रुपये करण्यासाठीदेखील त्यांनी आयुक्तांना निवेदन दिले आहे. या वेळी शिंदे सेनेच्या संपर्कप्रमुख दमयंती आचरे, शहरप्रमुख सुरेखा गव्हाणे, उपजिल्हा संघटक गीता पाटील, मधुमती हरमळकर, प्रतिमा सुतार, मनीषा गिरफ, तेजस्विनी कोळी, दिव्या घरत, ग्राहक निवारण जिल्हा संघटक सुजाता सुतार आदी महिला पदाधिकारी आणि कार्यकर्ते उपस्थित होत्या.