भूमाता ब्रिगेडच्या अध्यक्ष तृप्ती देसाईंचा विद्यार्थ्यांशी संवाद

भूमाता ब्रिगेडच्या अध्यक्षा तृप्ती देसाईंचा विद्यार्थ्यांशी संवाद
अलिबाग (वार्ताहर) ः भूमाता ब्रिगेडच्या अध्यक्षा तृप्ती देसाई यांनी नुकतीच स्पर्धा विश्व अकॅडमीला सदिच्छा भेट दिली. या भेटीत त्यांनी संस्थेच्या प्रमुख तथा राष्ट्रीय युवा पुरस्कारार्थी तपस्वी गोंधळी व संचालिका सुचिता साळवी यांच्याशी संवाद साधत त्यांच्या कार्याची विशेष स्तुती केली.
स्पर्धा परीक्षा क्षेत्रात ग्रामीण व शहरी भागातील विद्यार्थ्यांना मार्गदर्शन देण्याचे महत्त्वाचे कार्य स्पर्धा विश्व अकॅडमी करीत आहे. या संस्थेने अल्पावधीत गुणवत्तेच्या जोरावर विद्यार्थी घडवले आहेत. या कार्याची माहिती मिळताच तृप्ती देसाई यांनी स्वतः अलिबागला भेट देऊन संस्थेचे प्रत्यक्ष निरीक्षण केले. तृप्ती देसाई यांनी तपस्वी गोंधळी व सुचिता साळवी यांच्यासोबत चर्चा करीत महिलांच्या सबलीकरणासाठी त्यांच्याकडून होणाऱ्या योगदानाचे कौतुक केले. त्यांनी विद्यार्थ्यांनाही मार्गदर्शन करीत स्वप्न मोठे ठेवण्याचा संदेश दिला. या भेटीत संस्थेच्या इतर शिक्षक व विद्यार्थ्यांशी त्यांनी संवाद साधला.