खरीप हंगामासाठी पीक विमा योजनेचे सुरक्षा कवच

खरीप हंगामासाठी पीक विमा योजनेचे सुरक्षा कवच

माणगाव, ता. १७ (बातमीदार) ः राज्य सरकारने प्रधानमंत्री बीमा योजना (पीएमएफबीवाय) २०२५ च्या खरीप हंगामासाठी रायगड जिह्यातील कर्जदार आणि विना-कर्जदार शेतकऱ्यांसाठी भारतीय कृषी विमा कंपनीला अधिकृत केले आहे. सरकारच्या योजनेनुसार अधिसूचित केलेल्या पिकांसाठी ही योजना जिल्ह्यात राबविली जाणार आहे.
रायगड तालुक्यासाठी भात, नागली, उडीत या बियाण्यांसाठी ३१ जुलैपर्यंत शेतकऱ्यांना विमा उतरता येणार आहे. पीक पेरणीपासून काढणीपर्यंतच्या कालावधीत विविध नैसर्गिक घटक कीड व रोगांचा प्रादुर्भाव आदी कारणांमुळे पीक कापणी प्रयोगाद्वारे सरासरी उत्पादन हे त्या महसूल मंडळासाठीच्या उंबरठा उत्पादनापेक्षा कमी आल्यास त्या पिकांचा विमा घेतलेल्या सर्व शेतकऱ्यांना समप्रमाणात नुकसानभरपाई मिळणार असल्याचे त्यांनी सांगितले आहे.

पीक विमा योजनेमधील महत्त्वाच्या बाबी
सर्वसमावेशक पीक विमा प्रति अर्ज एक रुपये शासन स्तरावरून बंद करण्यात आले असून, शेतकऱ्यांनी पूर्वीप्रमाणे पैसे भरून पीक विमा योजनेमध्ये सहभागी होऊ शकतात.
पीक विमा योजनेमध्ये सहभाग घेण्यासाठी शेतकऱ्यांचा फार्मर आयडी नोंदणी क्रमांक बंधनकारक
अधिसूचित पिकांचे ई-पीक पाहणी बंधनकारक.
कर्जदार तसेच बिगर कर्जदार दोन्ही योजनेमध्ये सहभाग घेऊ शकतात.
तुमच्या जवळच्या कॉमन सर्व्हिस केंद्रामध्ये व संबंधित नॅशनल बँकेमध्ये तुमचा पीक विमा अर्ज नोंदवू शकता.
सर्व पिकांचा जोखीम स्तर ७० टक्के आहे.
यामध्ये सहभागी होण्यासाठी अंतिम दिनांक ३१ जुलै आहे. जिल्हा अधीक्षक कृषी अधिकारी वंदना शिंदे, तालुका कृषी अधिकारी माणगाव किरण पडवळकर, तालुका कृषी अधिकारी म्हसळा दत्तात्रेय शिंदे, भारतीय कृषी विमा कंपनीचे जिल्हा प्रतिनिधी पुरुषोत्तम सरनाईक, अलिबाग तालुका प्रतिनिधी राहुल लाडगे, भारतीय कृषी विमा कंपनीचे माणगाव आणि म्हसळा तालुका प्रतिनिधी स्वप्नील पवार यांनी पीक विमा योजनेबद्दल माहिती देऊन तालुक्यातील सर्व शेतकऱ्यांनी योजनेमध्ये मोठ्या प्रमाणात सहभागी होण्याचे आवाहन केले आहे.