नवी मुंबई महापालिका टँकरने देणार पाणी
नवी मुंबई महापालिका टँकरने देणार पाणी
सकाळ वृत्तसेवा
नवी मुंबई, ता. १७ : नवी मुंबई महापालिका क्षेत्रामध्ये पाणीपुरवठा करणारी १,७०० मिलिमीटर व्यासाच्या पामबीच मार्गालगत असलेल्या मोरबे मुख्य जलवाहिनीतून नेरूळ सेक्टर-४६, अक्षर इमारतीजवळ वारंवार गळती होत आहे. त्यामुळे या ठिकाणी नवीन जलवाहिनी टाकण्यात येणार आहे. मात्र त्याकरिता घेण्यात येत असलेल्या शटडाऊन काळात महापालिकेतर्फे टँकरने पाणीपुरवठा केला जाणार आहे. ज्या भागातील रहिवाशांना पाण्याची टंचाई असेल अशांनी महापालिकेकडे मागणी नोंदवल्यास त्यांना टँकरने पाणीपुरवठा केला जाईल, असे पाणीपुरवठा विभागातर्फे सांगण्यात आले. नवीनसह जुन्या जलवाहिनीला दोन्ही बाजूस जोडणीचे काम शुक्रवारी १८ जुलैला हाती घेण्यात येणार आहे. त्यासाठी शुक्रवारी (ता. १८) सकाळी १० वाजल्यापासून शनिवारी (ता. १९) पहाटे चार वाजेपर्यंत १८ तासांकरिता मुख्य जलवाहिनीवरील पाणीपुरवठा बंद राहणार आहे. या काळात पालिका क्षेत्रातील बेलापूर, नेरूळ, वाशी, तुर्भे, सानपाडा, कोपरखैरणे, घणसोली व ऐरोली या विभागांमध्ये तसेच पालिका क्षेत्रातील मुख्य जलवाहिनीवरील थेट नळजोडण्यांचा पाणीपुरवठा बंद राहणार आहे. १८ जुलैला संध्याकाळी व शनिवारी (ता. १९) सकाळी पाणीपुरवठा होणार नाही. तसेच शनिवारी (ता. १९) संध्याकाळी कमी दाबाने व अपुरा पाणीपुरवठा होईल. तोपर्यंत नागरिकांना पाणीटंचाईला सामोरे जावे लागणार आहे. अशा परिस्थितीमध्ये पाणीपुरवठा विभागाने पर्यायी टँकरने पाणीपुरवठा करण्याची सोय केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.