खारमध्ये बनावट विदेशी मद्यसाठा जप्त; दोन अटकेत, एक फरार

खारमध्ये बनावट विदेशी मद्यसाठा जप्त; दोन अटकेत, एक फरार

Published on

विदेशी मद्यसाठा जप्त
दाेघांना अटक, घरमालक फरार
सकाळ वृत्तसेवा
मुंबई, ता. १७ : राज्य उत्पादन शुल्क विभागाच्या पथकाने खार पश्चिम येथील सद्‍गुरू कल्याण अर्पा इमारतीतील दोन फ्लॅट्सवर छापा टाकून मोठ्या प्रमाणात बनावट विदेशी मद्यसाठा जप्त केला. कारवाईत सुमारे २०.३३ लाख किमतीचा साठा जप्त करण्यात आला असून, दोन जणांना अटक करण्यात आली. घरमालक हा फरार असून, त्याच्या शोधासाठी प्रयत्न सुरू आहेत. ही कारवाई आयुक्त राजेश देशमुख, संचालक प्रमोद सुर्वे, विभागीय उपायुक्त प्रदीप पवार, तसेच अधीक्षक नितीन घुले यांच्या मार्गदर्शनाखाली निरीक्षक पांडुरंग तापडे यांच्या नेतृत्वाखाली पार पडली. सदर ठिकाणी १००० मि.लि., ७५० मि.लि. व ७०० मि.लि. क्षमतेच्या एकूण १६६ बाटल्या सापडल्या. महाराष्ट्र दारूबंदी अधिनियमानुसार सदर गुन्हा दाखल करण्यात आला असून, यामागे तस्करांची टोळी सक्रिय असण्याची शक्यता वर्तवण्यात येत आहे. या कारवाईत दु. निरीक्षक एस. जी. रणपिसे, व्ही. के. भोयर, पी. बी. देशमुख, सुहास झांजुणे व खार पोलिस ठाण्याचे कर्मचारी सहभागी होते. ‘‘अवैध मद्यसाठा गुन्हा असून, यावर कठोर कारवाई केली जाईल’’, असे निरीक्षक तापडे यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com