ठाण्यात बेडरूमचा स्लॅब कोसळला

ठाण्यात इमारतीचा स्लॅब कोसळला

सकाळ वृत्तसेवा
ठाणे, ता. १७ : येथील उथळसर नाका परिसरातील अंदाजे २३ वर्षे जुने बांधकाम असलेल्या अनिकेत सोसायटीच्या सहाव्या मजल्यावरील ६०१ रूममधील स्लॅब पाचव्या मजल्यावरील ५०१ रूममध्ये कोसळल्याची घटना गुरुवारी (ता. १७) रात्री पावणेआठ वाजण्याच्या सुमारास घडली. या घटनेत कोणालाही दुखापत झाली नसली तरी सुरक्षेच्या कारणास्तव इमारतीच्या चौथ्या, पाचव्या, सहाव्या व सातव्या मजल्यावरील तब्बल आठ रूम रिकाम्या करून सील करण्यात आल्या आहेत. तसेच १९ रहिवाशांनी राहण्याची व्यवस्था स्वतःच्या नातेवाइकांकडे केली आहे, अशी माहिती आपत्ती व्यवस्थापन अधिकाऱ्यांनी दिली.