भिवंडीत दोन वीजचोरांवर गुन्हा दाखल

भिवंडीत दोन वीजचोरांवर गुन्हा दाखल
भिवंडी, ता. १८ (वार्ताहर) : भिवंडीत शहरासह ग्रामीणमध्ये वीजपुरवठा करणाऱ्या टोरंट पावर कंपनीच्या अधिकृत वीज मीटरमधून अवैधरित्या केबलद्वारे वीजपुरवठा घेणाऱ्या दोन वीजचोरांवर शांतीनगर पोलिस ठाण्यात गुरुवारी (ता. १७) गुन्हा दाखल करण्यात आला आहे. मथुरा सुकऱ्या पाटील व परेश सुकऱ्या पाटील (रा. सुरई गाव) अशी गुन्हा दाखल झालेल्यांची नावे आहेत.
दोघांनी आपसात संगनमताने टोरंट पावरच्या अधिकृत वीज मीटरमधून अनधिकृतरित्या वीजपुरवठा घेतला आणि ४ एप्रिल २०२४ ते ३ एप्रिल २०२५ या कालावधीत ६,६९२ युनिटचा वापर करून एक लाख ९५ हजार १७४ रुपयांची वीजचोरी केली आहे. याप्रकरणी टोरंट पॉवर कंपनीच्या अधिकाऱ्यांनी दिलेल्या तक्रारीवरून दोघांवर गुन्हा दाखल झाला आहे.