घरफोडीत रोख रकमेसह मोबाईल आणि टॅबची चोरी

घरफोडीत रोख रकमेसह मोबाईल आणि टॅबची चोरी
भिवंडी, ता. १८ (वार्ताहर) : अज्ञात चोरट्याने कंपनीची जाळी तोडून त्यावाटे कंपनीत प्रवेश करून रोख रकमेसह मोबाईल आणि टॅब चोरून नेल्याची घटना पिंपळघर येथे घडली आहे. याप्रकरणी अज्ञात चोरट्याच्या विरोधात कोनगाव पोलिस ठाण्यात गुरुवारी (ता. १७) गुन्हा दाखल करण्यात आला आहे.
पिंपळघर येथील आर.के.जी. कंपाउंडमधील ए-३ बिल्डिंगमध्ये स्टॅम्प आय.टी. रोबोट टाय सोल्युशन प्रा.लि. नावाने कंपनी आहे. यामध्ये १६ ते १७ जुलैदरम्यान अज्ञात चोरट्याने कंपनीच्या खिडकीची लोखंडी जाळी तोडून आत प्रवेश केला आणि सात मोबाईल, एक टॅब व रोख रक्कम असा ७० हजार ३०० रुपये किमतीचा मुद्देमाल चोरून नेला आहे.