गटाराच्या झाकणाची अखेर दुरुस्ती

मालाड, ता.१९ (बातमीदार)ः मालवणी गेट क्रमांक ६ जुलेश वाडी येथील गावदेवी मंदिर रस्त्यावरील गटाराचे झाकण महिन्याभरापासून तुटलेले होते. या प्रकारामुळे अपघाताची भीती वर्तवली जात होती. अखेर सकाळमध्ये याबाबतचे वृत्त प्रसिद्ध झाल्यानंतर पालिका अधिकाऱ्यांनी लोखंडी जाळीचे झाकण काढून गटाराची दुरुस्ती केली.
या रस्त्यावरील गटाराची लोखंडी जाळी तुटल्याने अनेक दुचाकींचे चाक अडकून अपघात झाले होते. या रस्त्यावर दोन शाळा असल्याने तेथील हजारो विद्यार्थ्यां ये-जा करतात. अनेकदा पाय अडकून विद्यार्थ्यांचे अपघातही झाले होते. याबाबत स्थानिक रहिवासी मोहसीन अन्सारी यांनी पालिकेच्या हेल्प लाईनवर तक्रार केली. मात्र, त्याकडे महिन्याभरापासून दुर्लक्ष होत होते. मात्र दैनिक सकाळ मध्ये बातमी प्रसिद्ध झाल्याने पालिकेच्या पी उत्तर विभागाची यंत्रणा सरसावली व त्वरित गटाराचे लोखंडी झाकण बसवण्यात आल्याने स्थानिकांनी आभार व्यक्त केले आहेत.