ठाण्यात डेंगी-मलेरियाचा उद्रेक

ठाण्यात डेंगी-मलेरियाचा उद्रेक
जिल्हा रुग्णालयात रुग्णसंख्या वाढली; डासांचे प्रमाण वाढले
ठाणे तापाने फणफणले
सकाळ वृत्तसेवा
ठाणे, ता. २१ : पावसाने दडी मारताच डेंगी, मलेरियाने डोके वर काढले आहे. ठाणे पालिका क्षेत्रामध्ये गेल्या १५ दिवसांमध्ये डेंगीचे ८८, तर मेलेरियाचे ५८ रुग्ण आढळले आहेत. ठाणे जिल्हा रुणालयातही जून ते जुलै १६ पर्यंत एकूण मलेरियाचे ११५ तर डेंगीचे ८४ रुग्ण आढळले आहेत. मलेरिया, डेंगीचे प्रमाण वाढत असताना ठाणे शहारांसह जिल्ह्यात ससंर्गजन्य ताप, काविळीचे रुग्णही वाढत आहेत. त्यामुळे सरकारी आणि खासगी रुग्णालयांमध्ये गर्दी वाढली आहे.
जुलैच्या दुसऱ्या आठवड्यांपासून पावसाचा जोर ओसरला आहे. एखाद्या तुरळक सरीचा अपवाद सोडला, तर दिवस कोरडा जात आहे. त्यामुळे साचलेल्या पाण्याचे डबके तयार झाल्यामुळे अनेक ठिकाणी डासांचे प्रमाण वाढले आहे. शहरात अनेक ठिकाणी बांधकामे सुरू असल्यामुळे डास वाढत आहेत. त्यामुळे जूनप्रमाणे जुलै महिन्यातही डेंगी, मलेरियाच्या रुग्णसंख्येमध्ये भर पडत आहे.
------------------------------
ग्राफीकसाठी
-------------------------------
ठाणे पालिका क्षेत्र
डेंगी, मलेरियाचे रुग्ण
१ ते १५ जून
डेंगी- ४२, मलेरिया ४२
१ ते १५ जुलै
डेंगी- ८८, मलेरिया- ५८

जिल्हा रुग्णालय
जून महिना
डेंगी- १४३ , मलेरिया- १८५
जुलै महिना
डेंगी-८४, मलेरिया ११५