पदोन्नतीतील आरक्षणासाठी धरणे

धारावी (बातमीदार) : अर्थ संकल्पातील अनुसूचित जातीचा वाटा, शैक्षणिक सवलती आणि पदोन्नतीतील आरक्षण तत्काळ मिळावे, यासाठी आझाद मैदानात ऑल इंडिया बैकवर्ड क्लासेस एम्प्लॉइज फेडरेशन अर्थात आयबीसेफचे अध्यक्ष सुनील निरभवणे यांच्या नेतृत्वात धरणे आंदोलन करण्यात आले. या आंदोलनात विधान परिषदेचे माजी सभापती वि. स. पागे यांच्या अध्यक्षतेखालील समिती शिफारशीनुसार २१ जून १९७९ रोजी अनुसूचित जातीच्या प्रगतीसाठी अर्थसंकल्पात १५ टक्के निधी राखून ठेवण्याबाबत शासन निर्णय काढण्यात आला होता, मात्र गेल्या ४५-४६ वर्षांत याची अंमलबजावणी झालीच नाही, उलट निधी इतरत्र वळवला जात असल्याचा आरोप सुनील निरभवणे यांनी केला आहे.