भिवंडीत उड्डाणपुलावर अपघात

भिवंडीत उड्डाणपुलावर अपघात
भिवंडी, ता. २१ (वार्ताहर) ः भिवंडीतील स्व. बाळासाहेब ठाकरे उड्डाणपुलावर रविवारी (ता. २०) रात्री झालेल्या अपघातात एक जण पुलावरून खाली पडून गंभीर जखमी झाला. कल्याणला नातेवाइकांना आणण्यासाठी निघालेल्या अभिषेक जैन यांच्या कारचा टायर पंक्चर झाल्याने त्यांनी ती पुलावर बाजूला उभी केली होती. त्याच वेळी स्प्लेंडर दुचाकीवरून तिघे जण भरधाव वेगाने येत असताना दुचाकी थेट उभी असलेल्या कारला धडकली. धडक एवढी जबरदस्त होती, की चालक मुजाहिद अन्सारी कारवर फेकला गेला, तर मागील सीटवरील राजेश यादव थेट पुलावरून खाली पडला. दोघेही गंभीर जखमी असून खासगी रुग्णालयात उपचार सुरू आहेत. तिसरा युवक अहमद रजा घटनास्थळावरून फरार झाला. अभिषेक जैन यांच्या तक्रारीवरून भिवंडी शहर पोलिस ठाण्यात गुन्हा दाखल करण्यात आला आहे.