मटका जुगार खेळणाऱ्या १८ जणांविरोधात गुन्हा दाखल

भिवंडी, ता. २१ (वार्ताहर) : भिवंडी शहर व ग्रामीण भागात मोठ्या प्रमाणावर मटका जुगार खेळवला जात आहे. याबाबत अनेकांच्या तक्रारीनंतर एका मटका जुगार अड्ड्यावर पोलिसांनी कारवाई करत १८ जणांविरोधात गुन्हा दाखल केला आहे.
पोलिसांनी दिलेल्या माहितीनुसार, शांतीनगर पोलिस ठाणे हद्दीतील भारत कम्पा‍ऊंड येथील लक्ष्मी हॉटेलसमोरील एका बंदिस्त गाळ्यात जुगार मटका खेळवला जात असल्याची माहिती मिळाली होती. त्यावरून पोलिसांनी शनिवारी सायंकाळी सव्वापाचच्या सुमारास छापा टाकला. त्या ठिकाणी अन्नु ऊर्फ मोहम्मद हनिफ युनुस शेख याच्या मटक्या अड्ड्यावर सुशील शिरसे, परशुराम काळे पावत्या लिहित होते. त्या ठिकाणी जिलानी हुजुर पठाण, नईम अलीरजन अन्सारी, शरीफ अकील अन्सारी, चंद्रकांत साळुंखे, रफिक अब्दुल रशिद शेख, सैयजाद अहमद अब्दुल सत्तार अन्सारी, गुलाम हुकुमदार अन्सारी, अबरार मोहम्मद डिक्कन अन्सारी, हकिमुउद्दीन खुरानउद्दीन शेख, इसरार सईद अहमद अन्सारी, अर्शद सुलेमान खान, श्रीनिवास सुदर्शन शकीनाला, मोहम्मद जिलानी इलाही शेख, राशीद मेहंदीहसन इंद्रेशी, रजब अली रेहमत अली शेख, रियाज इस्तीयाक खान हे मटका जुगार खेळताना आढळले. पोलिस पथकाने रोख सात हजार ३०० रुपये आणि मटका पावती बुक असे साहित्य जप्त करीत सर्वांविरोधात गुन्हा दाखल केला. त्यानंतर सर्वांना नोटीस देत सोडून देण्यात आले आहे.