साखळी बॉम्ब स्फोटात जवान एकुलता एक मुलगा गमावला

१९ वर्षांनंतरही न्याय नाही!
नालासोपारा, ता २१ ः मुंबईतील २००६ मधील साखळी बॉम्बस्फोटात वसईच्या २३ वर्षीय हर्षल भालेरावचा मृत्यू झाला. हर्षल अकाऊंट झाल्यानंतर एका कंपनीत कामाला लागला होता. त्याचा कामाचा पहिलाच दिवस होता; परंतु त्याच दिवशी त्याचा मृत्यू झाला. घटनेनंतर आरोपींना पकडल्यावर आणि त्यांना शिक्षा ठोठावल्यावर न्याय मिळाल्याचे वाटले होते, परंतु आता १९ वर्षानंतर आरोपींची निर्दोष सुटका झाली. या घटनेत आम्ही आमचा एकुलता एक मुलगा गमावला, पण आम्हाला अद्याप न्याय मिळाला नसल्याची प्रतिक्रिया मृत हर्षल भालेराव यांचे वडील यशवंत भालेराव यांनी न्यायालयाच्या निकालानंतर व्यक्त केली.