पालघरमधील गुंतवणूकदारांना आत्मनिर्भर बनण्यासाठी मार्गदर्शन

पालघर (बातमीदार) : आर्थिक साक्षरतेद्वारे गुंतवणूकदारांना सक्षम करण्यासाठी सीडीएसएल इन्व्हेस्टर प्रोटेक्शन फंडने पालघर येथे व्यावसायिकांसाठी गुंतवणूक जागरूकता कार्यक्रम आयोजित केला होता. सेंट जॉन इन्स्टिट्यूट ऑफ फार्मसी ॲण्ड रिसर्च येथे सत्राचे आयोजन करण्यात आले होते. सिक्युरिटीज मार्केटची ओळख या विषयावर केंद्रित असलेल्या कार्यशाळेमध्ये गुंतवणुकीची मूलतत्त्वे सोप्या पद्धतीने समजावून देण्यात आली. तसेच डिपॉझिटरी सेवांचे महत्त्व अधोरेखित करण्यात आले. सुरक्षित गुंतवणुकीच्या सवयी, जोखमीचे आकलन आणि सिक्युरिटीज मार्केट कसे कार्य करते, याबाबत चर्चा करण्यात आली. अशा निश्चित लक्ष्य ठेवलेल्या उपक्रमांद्वारे सीडीएसएल आयपीएफ समाजातील विविध घटकांमध्ये आर्थिक जागरूकता मजबूत करण्याचा आपला प्रयत्न सातत्याने करत आहे.