तायक्वांदोत ६८ पदकांची कमाई

मुंबई ः जयेश तायक्वांदो अकादमीच्या खेळाडूंनी बँकॉक येथे पार पडलेल्या ११व्या तिरक आंतरराष्ट्रीय तायक्वांदो स्पर्धेत भारतासाठी विक्रमी कामगिरी केली. मास्टर जयेश वेल्हाळ यांच्या मार्गदर्शनाखाली अकादमीच्या १५ खेळाडूंनी ६८ पदके पटकावली, ज्यात १६ सुवर्ण, २३ रौप्य आणि २९ कांस्य पदकांचा समावेश आहे. ही स्पर्धा १९ ते २० जुलैदरम्यान फॅशन आयलंड, बँकॉक येथे झाली होती. यामध्ये २५०० हून अधिक खेळाडूंनी सहभाग घेतला होता. स्पर्धेत पुमसे, क्योरोगी, स्पीडकिकिंग आणि स्पीडपंच या प्रमुख प्रकारांचा समावेश होता.प्रशिक्षक जयेश वेल्हाळ यांच्यासोबत सहप्रशिक्षक निशांत शिंदे, विक्रांत देसाई, यश दळवी, क्रुपेश रणक्षेत्रे, चंदन परिडा, स्वप्नील शिंदे आणि फ्रँक कनाडीया यांनी खेळाडूंसाठी प्रशिक्षण दिले.