वसुरी येथे येथे भातलागवड शेतीशाळा वर्गाचे आयोजन

विक्रमगड (बातमीदार) : तालुक्यातील मौजे वसुरी येथे आत्मा अंतर्गत भातलावणी शेतीशाळा वर्गाचे आयोजन करण्यात आले होते. उपस्थित शेतकऱ्यांना चारसूत्री भातलावणीचे प्रात्यक्षिक गिरीपुष्प हिरवळीच्या खतांचा मर्यादित वापर, दोन ते चार झाडांचा पाला व नियंत्रित लावणीबाबत मार्गदर्शन तालुका तंत्रज्ञान व्यवस्थापक ए. एम. कुऱ्हाडा यांनी केले. वाडा तंत्र अधिकारी गावडे, तालुका कृषी अधिकारी सुनील पारधी, उप कृषी अधिकारी शितोळे यांनी उपस्थितांना मार्गदर्शन केले. तसेच विक्रमगड तालुक्यातील मौजे आंबिवली औदे पोटखळ येथे सहाय्यक कृषी अधिकारी यांना ॲपमध्ये मृदु नमुने ऑनलाइन भरताना येणाऱ्या अडचणींबद्दल तंत्र अधिकारी गावडे यांनी मार्गदर्शन केले. या वेळी तालुका कृषी अधिकारी सुनील पारधी, सहाय्यक कृषी अधिकारी गावित बुंधे व लता टोकरे, तसेच उप कृषी अधिकारी शितोळे उपस्थित होते.