दुकानांवर पालिकेचा बुलडोझर

मालाड, ता.२२(बातमीदार)ः मालाड स्थानकालगतच्या हनुमान मंदिरासमोरील ७ ते ८ दुकानांवर पालिकेने बुलडोझर फिरवले. काही महिन्यांपूर्वी रस्ता रुंदीकरणासाठी मुंबई महापालिकेने या दुकानांना नोटीस बाजवली होती.
महापालिकेने नोटीस बजावल्यानंतरही दुकानदारांनी व्यवसाय सुरूच ठेवला होता. त्यामुळे पालिकेने प्रत्येकी दीड लाखांची दंडात्मक कारवाई देखील केली. तसेच दुकानांचा वीज पुरवठाही खंडित करण्यात आला. पण दुकानदार जागा खाली करण्यास तयार नव्हते. अखेर पालिकेच्या पथकाने मंगळवारी (ता.२२) सर्व दुकाने जमीनदोस्त केली आहे.