संत नामदेव समाधी दिनानिमित्त आज विविध कार्यक्रम

विक्रमगड (बातमीदार) : तालुक्यातील विविध गाव, शहरांमध्ये शिंपी समाज मोठ्या प्रमाणात वसलेला असून दरवर्षी नामदेव महाराजांचा समाधी दिन सोहळा मोठ्या भक्तीभावाने एकत्ररित्या साजरी केली जाते. या दिवशी या समाजातील लोक एकत्र येवून नामदेव महाजांच्या समाधी दिन सोहळ्यानिमित्त विविध धार्मिक कार्यक्रमांचे आयोजन करतात. यंदाही बुधवारी (ता. २३) समाधी सोहळा विक्रमगडमधील शिंपी बांधव शहरातील विठ्ठल-रुख्मिणी मंदिर सभागृहात हा सोहळा पार पाडणार आहे. सकाळी काकड आरती, संत शिरोमणी नामदेव महाराजांचा अभिषेक, दुपारी गजर किर्तनाचा कार्यक्रम, त्यानंतर महाप्रसाद, सायंकाळी हरिपाठ असा एक दिवसांचा हरिनाम सप्ताह कार्यक्रमांचे प्रारुपाचे आयोजन केले आहे. या निमित्त परिसरातील शिंपी बांधव एकत्र येणार आहेत. या कार्यक्रमांची व्यवस्था विक्रमगड उत्कर्ष शिंपी समाज मंडळाचे अध्यक्ष सुशील औसरकर, नितीन वाडेकर, विशाल औसरकर, राहुल वाडेकर, नीलेश औसरकर, दीपक औसरकर, मंगेश औसरकर यांनी केली आहे.