वाशीत भाजपचे महारक्तदान शिबीर

वाशीत भाजपचे महारक्तदान शिबिर
तुर्भे, ता. २२ (बातमीदार) : मुख्यमंत्री देवेंद्र फडणवीस यांच्या वाढदिवसानिमित्तानेे राज्यस्तरीय महारक्तदान शिबिराचे आयोजन मंगळवारी (ता. २२) वाशी येथे करण्यात आले होते. बेलापूर विधानसभा क्षेत्राच्या आमदार मंदा म्हात्रे यांच्या नेतृत्वाखाली व संयोजक नीलेश म्हात्रे यांच्या मार्गदर्शनानुसार वाशी मंडळ, सानपाडा मंडळ, नेरूळ (पश्चिम), सीवुड्स मंडळ, सीबीडी मंडळ, तुर्भे मंडळ, नेरूळ (पूर्व) येथे महारक्तदान शिबिर आयोजन केले होते.
मंदा म्हात्रे यांनी महारक्तदान शिबिरावेळी जास्तीत जास्त नागरिकांनी रक्तदान करावे. रक्तदान हे श्रेष्ठ दान आहे. रक्तदान केल्याने कोणतीही शारीरिक हानी होत नाही. उलट अनेकांना नवीन जीवन मिळवण्याची संधी मिळते, असे आवाहन केले. तसेच, या शिबिरात रक्तदात्याला प्रमाणपत्र वाटपही करण्यात आले. याशिवाय प्राथमिक आरोग्य तपासणीही करण्यात आली. या वेळी वाशी मंडळ अध्यक्ष विकास सोरटे, भरत मावळे, हिम्मत, रॉकी सिंह, मालती सोनी आदी उपस्थित होते.