विधानभवन मारहाणप्रकरणी टकले, देशमुख यांना जामीन

विधान भवन मारहाणप्रकरणी टकले, देशमुख यांना जामीन

मुंबई, ता. २२ : विधिमंडळाच्या पावसाळी अधिवेधनात विधान भवनातील मारहाण प्रकरणातील सर्जेराव टकले आणि नितीन देशमुख यांना मुख्य महानगर दंडाधिकारी न्यायालयाने जामीन मंजूर केला.
टकले आणि देखमुख या दोघांची पोलिस कोठडी संपुष्टात येत असल्याने त्यांना मुख्य न्यायदंडाधिकारी (प्रभारी) एस. के. झंवर यांच्यासमोर हजर करण्यात आले. त्यावेळी न्यायालयाने त्यांना प्रत्येकी २५ हजारांच्या वैयक्तिक मुचलक्यावर जामीन मंजूर केला. १७ जुलै रोजी विधिमंडळाच्या पावसाळी अधिवेशनादरम्यान आव्हाड आणि पडळकर या दोघांच्या समर्थकांमध्ये विधानमंडळ इमारतीच्या तळमजल्यावर हाणामारी झाली होती. १६ जुलै रोजी दोन्ही आमदारांमध्ये जोरदार वाद झाल्यानंतर ही घटना घडली. याप्रकरणी दोघांविरुद्ध मरीन ड्राइव्ह पोलिसांनी १८ जुलै रोजी गुन्हा दाखल केला होता.