वाहनचोर टोळीचा पर्दाफाश

उल्हासनगर, ता. २२ (वार्ताहर) : उल्हासनगर व अंबरनाथ परिसरात सध्या वाहनचोरीच्या घटनांत वाढ झाली आहे. असे असतानाच गुन्हे शाखा घटक-४च्या पथकाने केलेल्या कारवाईमुळे चोरट्यांच्या मुसक्या आवळण्यात यश आले आहे. या कारवाईत तीन दुचाकीचोरीप्रकरणी एक तरुण अटकेत असून, त्याचा अल्पवयीन साथीदारास बालसुधारगृहात दाखल केले आहे.
गुन्हे शाखेचे पोलिस नाईक शेखर भावेकर यांना सोमवारी (ता. २१) मिळालेल्या माहितीच्या आधारे अंबरनाथच्या लोकनगरी मैदान परिसरात सापळा रचण्यात आला. या कारवाईत अक्षय ऊर्फ कातोडी रामा मारवाडी (वय १९) याला पोलिसांनी अटक केली. वरिष्ठ पोलिस निरीक्षक योगेश आव्हाड यांच्या मार्गदर्शनाखाली पोलिस उपनिरीक्षक प्रवीण खोचरे, शेखर भावेकर, सुरेश जाधव, राजेंद्र थोरवे, रामदास उगले, प्रसाद तोंडलीकर या पथकाने ही कारवाई केली. चौकशीत त्याने आणि अल्पवयीन साथीदाराने मिळून हिललाइन पोलिस ठाण्याच्या हद्दीतील तीन दुचाकीचोरी केल्याची कबुली दिली. दोन पंचांच्या उपस्थितीत दुचाकी जप्त करण्यात आल्या. अल्पवयीन आरोपी दुसऱ्या चोरीप्रकरणी आधीच भिवंडीतील बाल निरीक्षणगृहात दाखल आहे