पोलिसांच्या वाहनास ‘शिवनेरी’ची धडक

पोलिसांच्या वाहनास ‘शिवनेरी’ची धडक

खालापूर, ता. २२ (बातमीदार) ः टोलनाक्यावर थांबलेल्या पोलिस गाडीला शिवनेरी बसने जोरदार धडक दिल्याने गाडीचे नुकसान झाले. मुंबई-पुणे द्रुतगती मार्गावर सोमवारी (ता. २१) सकाळी साडेदहा वाजण्याच्या सुमारास खालापूर टोलनाका येथे अपघात घडला.
कृष्णा परशू कुंभार हे सरकारी पोलिस वाहन घेऊन कोल्हापूर ते मुंबई प्रवास करताना खालापूर टोलनाका येथे टोल रांगेत थांबले होते. त्याचदरम्यान स्वारगेट ते मुंबई अशी चालणारी शिवनेरी ई-बस घेऊन चालक शिरीष बजरंग कदम तेथे आले. तेथे हयगयीने पोलिस वाहनास ठोकर मारल्याप्रकरणी कदमविरुद्ध खालापूर पोलिस ठाण्यात गुन्हा दाखल करण्यात आला.