आयटीआय प्रवेशासाठी एक दिवसाची मुदतवाढ

आयटीआय प्रवेशासाठी एक दिवसाची मुदतवाढ

मुंबई, ता. २२ : व्यवसाय शिक्षण व प्रशिक्षण संचालनालयाच्या अंतर्गत येणाऱ्या शासकीय आणि खासगी आयटीआयच्या दुसऱ्या फेरीतील प्रवेशाला बुधवारी, २३पर्यंत मुदत देण्यात आली आहे. २२ जुलैपर्यंत ही मुदत होती; मात्र काही तांत्रिक कारणांमुळे ही मुदतवाढ देण्यात आल्याचे संचालनालयाकडून सांगण्यात आले. आयटीआयच्या दुसऱ्या प्रवेश फेरीत पात्र ठरलेल्या विद्यार्थ्यांना प्रवेशासाठी १८ जुलै ते २२ जुलैपर्यंत मुदत देण्यात आली होती. या फेरीसाठी उपलब्ध असलेल्या ४९ हजार ३४६ जागांपैकी १८ हजार ९८३ विद्यार्थ्यांनी मंगळवारी (ता. २२) प्रवेश घेतले. हे प्रवेशाचे प्रमाण ३८.४७ टक्के इतके आहे. दुसऱ्या फेरीसाठी ज्या विद्यार्थ्यांचे प्रवेश निश्चित झाले आहेत, त्यांना प्रवेशाची एक दिवस अधिकची संधी मिळणार असून, त्यानंतर आयटीआय प्रवेशाच्या तिसऱ्या फेरीला २८ जुलैपासून सुरुवात केली जाणार आहे.