आदिवासी विद्यार्थ्यांना किराणा वाटप

मालाड (बातमीदार)ः जोगेश्वरी पूर्वेतील श्री समर्थ माध्यमिक आणि लक्ष्मीबाई वळंजू प्राथमिक शाळेतील १४० आदिवासी विद्यार्थ्यांना किराणा किटचे वाटप करण्यात आले. संत नामदेव महाराज यांच्या ६७५व्या संजीवन समाधी सोहळ्यानिमित्त रॉबिनहुड आर्मी आणि हिंदुस्तान युनिलिव्हर कंपनीच्या सहकार्याने हा उपक्रम राबवण्यात आला. शाळेतील बहुसंख्य विद्यार्थी आरे कॉलनीतील आदिवासी भागातून येत असले तरी अभ्यास आणि खेळात प्रगतीशील आहेत. कार्यक्रमासाठी प्रमुख पाहुणे म्हणून समर्थ संस्थेचे उपाध्यक्ष दिनकर तावडे, सचिव सुनील नलावडे आणि समाजसेवक गणेश हिरवे उपस्थित होते. या वेळी युनिलिव्हर कंपनीचे आनंद सिंग, नताशा सिंग व देवेंद्र सिंग यांनी विद्यार्थ्यांना किटचे वाटप केले.

Ask ChatGPT