‘अमली पदार्थांपासून दूर राहा’

शिवडी (बातमीदार) : अमली पदार्थांचे वाढते प्रमाण, त्याचे दुष्परिणाम लक्षात घेता काळाचौकी पोलिस ठाण्याच्या वतीने अभ्युदय एज्युकेशन शाळेत ‘अमली पदार्थ आणि भावी पिढीचे भवितव्य’ या विषयावर मार्गदर्शन शिबिर घेण्यात आले. या शिबिरात वरिष्ठ पोलिस निरीक्षक मनीष श्रीधनकर, पोलिस निरीक्षक शीतल माने, धनंजय व्यवहारे यांनी विद्यार्थ्यांना अमली पदार्थांच्या व्यसनाचे घातक परिणाम समजावून सांगितले. तसेच प्रमुख वक्ते डॉ. प्रागजी वाजा आणि डॉ. वैशाली शेलार यांनी पोक्सो कायद्यांतर्गत येणारे शोषण, अनैतिक वर्तन आणि विद्यार्थ्यांच्या सुरक्षेविषयी मार्गदर्शन केले. या शिबिरासाठी मिल स्पेशल सदाशिव गाढे यांनी विशेष मेहनत घेतली. विद्यार्थ्यांनी शिबिराला उत्स्फूर्त प्रतिसाद दिला.