घाटकोपरमध्ये संरक्षण भिंत कोसळली

घाटकोपर, ता. २३ (बातमीदार)ः पश्चिमेला जगदुशानगर गोळीबार रोड मार्गावरील संरक्षण भिंत आज बुधवारी (ता. २३) सकाळी कोसळली. सुदैवाने काही नुकसान झाले नाही. गेल्या काही दिवसांपासून मुंबईसह संपूर्ण राज्यात मुसळधार पाऊस सुरू आहे.
भांडुप येथील टेकडीवरील घरे पत्त्यासारखी कोसळली. ही घटना ताजी असताना घाटकोपर पश्चिमेकडील गोळीबार रोड मार्गावर असलेली संरक्षक भिंत कोसळली. या मार्गावर अनेक वाहने पार्क होत असतात. तर लोकांचीसुद्धा ये-जा होत असते. सकाळपासून पावसाची संततधार सुरूच असल्याने नागरिकांनी वर्दळ आणि वाहने उभी नसताना भिंत कोसळल्याने नुकसान टळल्याचे प्रत्यक्षदर्शी हनुमंत टाव्हरे यांनी सांगितले.