अन्यायाविरोधात पोलिसांची मदत घ्या

वाडा, ता. २३ (बातमीदार) : लैंगिक शोषण किंवा अन्य कोणत्याही त्रासाच्या प्रसंगी मुली व महिलांनी भीती न बाळगता पोलिसांची मदत घेण्याचे आवाहन वाडा पोलिस निरीक्षक दत्तात्रेय किंद्रे यांनी केले.

राष्ट्रवादी काँग्रेसचे राष्ट्रीय नेते व राज्याचे उपमुख्यमंत्री अजित पवार यांच्या वाढदिवसानिमित्त साजरा होत असलेल्या ‘जनविश्वास सप्ताह’अंतर्गत पालघर जिल्हा महिला आघाडीच्या जिल्हाध्यक्षा रोहिणी शेलार यांच्या नेतृत्वाखाली परळी आश्रमशाळेत विद्यार्थ्यांसाठी मार्गदर्शन शिबिर आणि वृक्षारोपण उपक्रम आयोजित करण्यात आला. या वेळी दत्तात्रेय किंद्रे यांनी महिला कायदे व सायबर गुन्ह्यांविषयी विद्यार्थ्यांना मार्गदर्शन केले. तसेच, राष्ट्रवादी महिला आघाडीने परळी येथे वृक्षारोपणही केले. या कार्यक्रमाला महिला राष्ट्रवादीच्या उपजिल्हाध्यक्षा चित्रा पाटील, वाडा तालुका सचिव रंजना भागडे, परळीचे सरपंच वैशाली पवार, पंचायत समितीचे माजी सभापती रघुनाथ माळी, पोलिस पाटील बबन पाटील, माजी उपसरपंच रुपेश दत्तू पाटील, परळी आश्रमशाळेतील शिक्षक व शिक्षिका उपस्थित होत्या.