टकारी समाज संस्थेचा अहवाल प्रकाशित

अंबरनाथ (वार्ताहर) : टकारी समाज संस्था अंबरनाथ यांच्या वतीने ‘काटेरी कुंपण मुक्ती अमृत महोत्सवा’निमित्त ३५वा वार्षिक अहवाल प्रकाशन व गुणगौरव सोहळा जल्लोषात पार पडला. अंबरनाथ पूर्वेतील वडवली सेक्शन येथील रोटरी क्लबमध्ये कार्यक्रमाचे अध्यक्ष गणेश गायकवाड, सचिव दीपक जाधव उपस्थित होते. समाजातील गुणवंत विद्यार्थ्यांना शालेय साहित्य, छत्री, बॅग वितरित करण्यात आल्या. विशेष सन्मान म्हणून डॉ. किशोर गायकवाड यांना महाराष्ट्रभूषण पुरस्कार, प्रल्हाद जाधव यांना जीवनगौरव पुरस्कार, यशवंत जाधव यांना टकारी समाजभूषण पुरस्कार आणि आशीष जाधव यांना उत्कृष्ट समाजसेवक पुरस्कार देण्यात आले. कार्यक्रमाला आमदार डॉ. बालाजी किणीकर, माजी नगराध्यक्ष सुनील चौधरी, सुभाष साळुंके, स्वप्नील बागुल उपस्थित होते. प्रस्तावना सिद्राम गायकवाड यांनी केली. सूत्रसंचालन मृणाल गायकवाड व वृषाली जाधव यांनी केले.