वेश्याव्यवसायप्रकरणी दलाल महिलेला अटक

वेश्याव्यवसायप्रकरणी दलाल महिलेला अटक
गुन्हे शाखेची कारवाई; तीन पीडित महिलांची सुटका
सकाळ वृत्तसेवा
ठाणे, ता. २३ : वेश्याव्यवसाय करवून घेणाऱ्या एक दलाल महिलेला ठाणे गुन्हे शाखेच्या अनैतिक मानवी वाहतूक प्रतिबंध कक्षाच्या पथकाने जेरबंद केले. त्या महिलेच्या राखवालीतून तीन पीडित महिलांची सुटका करण्यात आली आहे. ही कारवाई मंगळवारी (ता. २२) केल्याची माहिती पोलिसांनी दिली. मुंब्रा-कळवा रोडवरील रेल्वेस्थानक पुलाजवळ, मुंब्रा या ठिकाणी एक महिला दलाल तीन असहाय्य महिलांना फूस लावून वेश्यागमनासाठी बोलावणार असल्याची माहिती ठाणे शहर अनैतिक मानवी वाहतूक प्रतिबंध कक्षाच्या वरिष्ठ पोलिस निरीक्षक वैशाली गोरडे यांना मिळाली होती. त्यानुसार मंगळवारी (ता. २२) सापळा रचून महिलेला ताब्यात घेण्यात आले. याप्रकरणी मुंब्रा पोलिस ठाण्यात गुन्हा दाखल करून महिलेला अटक करण्यात आली आहे. ही कारवाई अनैतिक मानवी वाहतूक प्रतिबंध कक्षाच्या पोलिस उपनिरीक्षक स्नेहल शिंदे, सहाय्यक पोलिस उपनिरीक्षक डी. के. वालगुडे, पोलिस हवालदार के. बी. पाटील, आर. यू. सुवारे, पोलिस अंमलदार पी. जी. खरात, एच. आर. थोरात, पोलिस शिपाई एस. सी. पाटील या पथकाने केली.
......... .