प्राण्यांची दहनवाहिनी लवकरच कार्यान्वित महालक्ष्मी आणि देवनार येथील प्राण्यांची दहनवाहिनी लवकरच कार्यान्वित महालक्ष्मी आणि देवनार येथील प्राण्यांची दहनवाहिनी लवकरच कार्यान्वित

प्राण्यांची दहनवाहिनी लवकरच कार्यान्वित

मुंबई महापालिकेची उच्च न्यायालयात माहिती

सकाळ वृत्तसेवा,
मुंबई, ता. २३ : पाळीव, तसेच रस्त्यावरील मोकाट प्राण्यांचे दहन करण्यासाठी महालक्ष्मी आणि देवनार या ठिकाणी विद्युत दहनवाहिनी वर्षअखेरीस कार्यान्वित होणार असल्याची माहिती बुधवारी (ता. २३) मुंबई महापालिकेने उच्च न्यायालयाला दिली. त्याची दखल घेऊन उच्च न्यायालयाने स्वतःहून दाखल केलेली याचिका निकाली काढली.

देवनार आणि महालक्ष्मी येथील दहनवाहिनीच्या बांधकामाच्या प्रगतीचा अहवाल सादर करण्याचे आदेश न्यायालयाने गेल्या सुनावणीवेळी दिले होते. त्यानुसार, पश्चिम उपनगरात मालाड येथेही प्राण्यांसाठीची दहनवाहिनी सुविधा आधीपासूनच उपलब्ध आहे, तसेच महालक्ष्मी येथील दहनवाहिनी ही येत्या ऑक्टोबर २०२५ पर्यंत, तर देवनार येथील विद्युत दहनवाहिनी डिसेंबर २०२५ पर्यंत कार्यान्वित होईल, अशी माहिती महापालिकेच्या वतीने ॲड. ऊर्जा धोंड यांनी प्रतिज्ञापत्राद्वारे न्यायालयाला दिली. त्याची दखल घेऊन न्यायालयाने स्वतःहून दाखल केलेली याचिका निकाली काढली.

प्रकरण काय?
मालाड येथील दहनवाहिनीत शहर आणि पश्चिम उपनगरांतील अनेक प्राण्यांचा दहनविधी करण्यात येतो. पूर्व उपनगरात ही सुविधा उपलब्ध करून देण्याच्या हेतूने देवनारमध्ये प्राण्यांची दहनवाहिनी बांधण्यात येत आहेत. त्या दहनवहिनीला महानगर गॅसतर्फे वायुपुरवठा केला जाणार असून, दहनवाहिनीचे काम गतवर्षीच पूर्ण होणे अपेक्षित होते, मात्र अनेक महिन्यांपासून वायुवाहिनीचे काम तांत्रिक अडचणींमुळे रखडले. त्या वृत्ताची दखल घेऊन न्यायालयाने स्वतःहून याचिका दाखल केली होती.