हवेच्या झोक्याने डोक्यावरील ओडनी उडाली

नालासोपारा हत्येप्रकरणी
प्रियकरासह महिलेला अटक
नालासोपारा, ता. २३ (बातमीदार) : प्रियकराच्या मदतीने पत्नीने पतीची हत्या करून फरार झालेल्या महिला आणि तिच्या प्रियकराला पोलिसांनी २४ तासांत बेड्या ठोकल्या आहेत. चमन चौहान (वय २५) आणि मोनू शर्मा (वय २०) अशी त्यांची नावे आहेत. याप्रकरणी पेल्हार पोलिस ठाण्यात गुन्हा दाखल झाला होता.

वेगवेगळ्या पथकांसह तपास करून पुण्याच्या हडपसर परिसरातून दोघांना ताब्यात घेण्यात आले. आरोपी महिलेच्या तोंडावरील ओढनी हावेने उडाल्याने तिची ओळख पटताच पोलिसांनी तिला प्रियकरासह घेतले. त्यांना बुधवारी वसई न्यायालयाने न्यायालयाने सात दिवसांची पोलिस कोठडी सुनावली आहे, अशी माहिती परिमंडळ ३चे पोलिस उपायुक्त सुहास बावाचे यांनी दिली.
वरिष्ठ पोलिस निरीक्षक जितेंद्र वनकोटी यांनी वरिष्ठच्या मार्गदर्शनाखाली तत्काळ वेगवेगळी पथक बनवून तांत्रिक तपास सुरू केला. मंगळवारी हडपसर परिसरात त्यांचे लोकेशन मिळाल्यानंतर एका मेडिकलजवळ लाहान मुलाला हाताशी धरून आरोपी महिला प्रियेकरासह चेहरा ओढणी झाकून जात असताना ओढणी उडाल्याने तिची ओळख पटल्याचे पोलिसांनी सांगितले.
-----
कशी केली हत्या?
आरोपी महिलेने प्रियकराच्या मदतीने पतीला गुंगीचे औषध देऊन त्याचा गळा दाबून हत्या केली. त्यानंतर त्याचा प्रथम मृतदेह घरातच बांधून ठेवला. सकाळी नाकाकामगाराकडून शौचालयाची टाकी बांधायची असल्याचे सांगून चार फूट खोल आणि सहा फूट लांबीचा खड्डा खोदून त्यात मृतदेह पुरला होता, अशी माहिती पोलिसांनी दिली.