गोवाडेतील बोगस डॉक्टरला अटक

गोवाडेतील बोगस डॉक्टरला अटक

मनोर, ता. २३ : अधिकृत वैद्यकीय पदवी नसताना रुग्णांवर वैद्यकीय उपचार करणाऱ्या पालघर पूर्वेतील गोवाडे गावातील मोहित पांडे (वय ३४) या बोगस डॉक्टरविरोधात मनोर पोलिस ठाण्यात गुन्हा दाखल करून त्याला अटक करण्यात आली आहे.

बुधवारी सकाळी मासवण प्राथमिक आरोग्य केंद्रातील वैद्यकीय अधिकाऱ्यांनी मनोर पालघर महामार्गावरील गोवाडे गावात सुरू असलेल्या दवाखान्यात छापा टाकला. या वेळी रुग्णांवर उपचार सुरू असल्याचे आढळून आले. तपासणीत डॉक्टरकडे वैद्यकीय पदवी नसल्याचे उघड झाले असून, मोहित पांडे याच्याविरोधात मनोर पोलिस ठाण्यात गुन्हा दाखल करून अटक करण्यात आली आहे. मासवण प्राथमिक आरोग्य केंद्रातील वैद्यकीय अधिकारी डॉ. वैभव अजगर यांनी बुधवारी सकाळी गोवाडे येथील मोहित पांडे याच्या दवाखान्यावर ही करवाई केली. मोहित पांडे याने महाराष्ट्र मेडिकल प्रॅक्टीस ॲक्टचे उल्लंघन केल्याचे आढळून आले आहे. डॉ. वैभव अजगर यांच्या तक्रारीवरून मोहित पांडे याच्याविरोधात गुन्हा दाखल करण्यात आला आहे.
.