शालेय विद्यार्थिनीला मोफत सॅनिटरी नॅपकिनस वाटप

शालेय विद्यार्थिनीला मोफत सॅनिटरी नॅपकिन्स वाटप
खारघर, ता. २४ (बातमीदार) ः येथील रोटरी क्लब ऑफ खारघर मिड टाऊनच्या वतीने कोपरा येथील सुधागड शाळेतील आठवी ते दहावीच्या किशोरवयीन मुलींना मासिक पाळीविषयी मार्गदर्शन करून मोफत सॅनिटरी नॅपकिन वाटप करण्यात आले. शाळांमधील किशोरवयीन मुलींमध्ये मासिक पाळीदरम्यान स्वच्छतेच्या पारंपरिक सवयी, समज-गैरसमज आणि अंधश्रद्धा यामुळे त्यांच्या आरोग्यावर व शिक्षणावर विपरीत परिणाम होत असतो. मासिक पाळीविषयी आणि त्याबाबत घ्यावयाची काळजी हे उद्देश समोर ठेवून खारघरमधील कोपरा गावातील सुधागड शाळेत रोटरी क्लब ऑफ खारघर मिड टाऊनच्या वतीने आठवी ते दहावीतील मुलींना डॉ. अमोघ शहाणे, डॉ. कोमल गुंडेवार यांनी मासिक पाळीविषयी माहिती दिली. या उपक्रमात १२२ मुली सहभागी झाल्या होत्या. या वेळी रोटरी क्लब ऑफ खारघर मिड टाऊनच्या डॉ. रविकिरण संजय गुप्ता, अर्पण रॉय, भरत दीपा, रो दीप्ती, शीतल उपस्थित होते.