सेक्स रॅकेटमधील फरार त्रिकुटाला पश्चिम बंगालमधुन अटक

सेक्स रॅकेटप्रकरणी
तीन जणांना अटक
नवी मुंबई, ता. २४ (वार्ताहर) : ऑनलाइन सेक्स रॅकेट चालवणाऱ्या टोळीतील फरार असलेल्या तीन दलालांना अनैतिक मानवी वाहतूक प्रतिबंधक कक्षाने पश्चिम बंगाल येथून अटक केली. शंभू मुनीलाल उपाध्याय (वय ३२), धीरेंद्र तिलकचंद आर्य (२६) आणि मकबूल बिलाल अन्सारी ऊर्फ बॉबी (४३) या तिघांना ताब्यात घेऊन नवी मुंबईत आणले. त्यांना तुर्भे एमआयडीसी पोलिसांच्या ताब्यात देण्यात आल्याची माहिती वरिष्ठ पोलिस निरीक्षक पृथ्वीराज घोरपडे यांनी दिली. ८ जुलैला अनैतिक मानवी वाहतूक प्रतिबंधक कक्षाने तुर्भे येथील एका हॉटेलवर कारवाई करून ऑनलाइन सेक्स रॅकेट चालवणाऱ्या दोन दलाल आणि एका रिक्षाचालकाला अटक केली होती. तसेच पाच पीडित महिलांची सुटका केली होती.