साईमंदिरातील चोरीचा पोलिसांकडून छडा

साईमंदिरातील चोरीचा पोलिसांकडून छडा
पेण, ता.२६ (वार्ताहर): पेण पोलिस ठाणे हद्दीतील कासार तलाव येथील साई मंदिरात चोरी झाली होती. या प्रकरणात पनवेलवरून पेणकडे एसटीने प्रवास करणाऱ्या चोराला खारपाडा चौकीजवळ पेण पोलिसांनी अटक केली.
शहरातील कासार तलाव येथे साई मंदिरात सोमवारी २१ जुलै रोजी चोरी झाली होती. मंदिरातील समई, दोन घंटा चोरण्यात आल्या होत्या. या घटनेची तक्रार पेण पोलिस ठाण्यात करण्यात आली. गुन्हे प्रकटीकरण शाखेच्या दोन पथकांनी शहरातील पंधरा सीसीटीव्ही कॅमेरे तपासले असता आरोपी पेण येथून पनवेलकडे गेला असल्याची माहिती मिळाली होती. यावेळी आरोपी सराईत गुन्हेगार असून अलिबाग कारागृहामधून नुकताच सुटल्याची माहिती मिळाली होती.
---------------------------------------
पोलिस कोठडीत रवानगी
तांत्रिक माहितीच्या आधारे आरोपी महेश चायनाखवाला रा.थेरोंडा, आगळ्याची वाडी, रेवदंडा, ता. अलिबाग अटक करण्यात आली. पनवेल येथून पेणला बसने येत असताना पोलिसांच्या पथकाने त्याला ताब्यात घेतले. न्यायालयाने त्याला २९ जुलै पर्यंत पोलिस कोठडी सुनावली आहे.