महिलांवर अत्याचारांविरोधात काँग्रेसकडून मुक मोर्चा

महिला अत्याचारांविरोधात महिला काँग्रेसकडून मूक मोर्चा
उरण, ता. २६ (वार्ताहर) ः महिला अत्याचारांविरोधात महिला काँग्रेसकडून शहरात शुक्रवारी (ता. २५) मूक मोर्चा करण्यात आला होता. अखिल भारतीय महिला काँग्रेस कमिटीच्या अध्यक्षा अलका लाम्बाजी, प्रदेशाध्यक्षा संध्या सव्वालाखे यांच्या सूचनेनुसार व रायगड जिल्हा निरीक्षक भारती पवार, सहनिरीक्षक अनिता प्रजापती, महिला जिल्हाध्यक्षा श्रद्धा ठाकूर यांच्या मार्गदर्शनाखाली या मोर्चाचे आयोजन केले होते.
या वेळी उरण तालुका काँग्रेस महिला अध्यक्षा रेखा घरत, शहर अध्यक्षा अफशा मुख्री, चिरनेर विभागीय अध्यक्षा सारिका पाटील, जासई विभागीय अध्यक्षा विद्या पाटील, शहर उपाध्यक्ष चंदा मेवाती, अमिना पटेल, कविता पाटील, पार्वती पाटील, जयवंती पाटील, राधाबाई पाटील, रूपाली साटम, मंदा पाटील, रिहाना सय्यद आदी महिला पदाधिकारी व कार्यकर्त्या उपस्थित होत्या.